8/02/2016

ഹെന്റി ദി ജീനിയസ്.....ഗ്രാവിറ്റി മെഷീനും അറിയപ്പെടാത്ത കണ്ടു പിടിത്തവും അദ്ധ്യായം 8

ഹെന്റി ദി ജീനിയസ്.....ഗ്രാവിറ്റി മെഷീനും അറിയപ്പെടാത്ത കണ്ടു പിടിത്തവും
അദ്ധ്യായം 8

ഹെന്റി എത്തപെട്ടത്‌ ദര്‍പ്പണങ്ങള്‍ കൊണ്ടുള്ള ഒരു മുറിയിലായിരുന്നു.ഇട നാഴി കടന്നു അവന്‍ ആ മുറിയില്‍ കയറിയതും വാതില്‍ കൊട്ടിയടക്കപ്പെട്ടതും ഒരുമിച്ചായിരുന്നു. അതും ദര്‍പ്പണം കൊണ്ട് നിര്‍മ്മിച്ചത്‌.
അവനു അദ്ഭുതമായി.എവിടെ നോക്കിയാലും അനേകം ഹെന്‍ട്രിമാര്‍!താന്‍ ചെയ്യുന്നതൊക്കെ തിരിച്ചു കാണിക്കുന്ന നൂറായിരം ഹെന്‍ട്രിമാര്‍. അവനു രസം കയറി. അവരെ നോക്കി ഗോഷ്ടി കാണിക്കാനും കൊഞ്ഞനം കുത്താനും തുടങ്ങി. അവര്‍ തിരിച്ചും. ഇതിനിടയിലെപ്പോഴോ അവന്‍ സൂചനാ ഫലകം കണ്ടെത്തി.

അതില്‍ ഇങ്ങനെ എഴുതിയിട്ടുണ്ടായിരുന്നു.

പത്തു വാതിലുകളില്‍ ശരിയായ വാതില്‍ തുറക്കുക.അല്ലെങ്കില്‍ മരണം സുനിശ്ചിതം!
ഹെന്‍ട്രി ശരിക്കും കോമാളിയായത് ഇപ്പോഴാണ്. വന്ന വാതില്‍ ഏതെന്നു പോലും കണ്ടു പിടിക്കാന്‍ പറ്റുന്നില്ല. പിന്നെയല്ലേ പത്തു വാതിലുകള്‍!

എങ്കിലും അവന്‍ ആ മുറി, ശരിക്കും പറഞ്ഞാല്‍ ദര്പ്പനങ്ങളെ പരിശോധിക്കാന്‍ തുടങ്ങി. കുറെയേറെ സമയമെടുത്തു ഒരു വാതില്‍ കണ്ടെത്താന്‍. അതി സമര്‍ത്ഥമായി ദര്പ്പനങ്ങള്‍ കൊണ്ട് നിര്‍മിച്ചിരുന്ന ആ വാതിലിന്റെ പ്രത്യേകത മനസ്സിലാക്കിയപ്പോഴേക്കും പിന്നെ എല്ലാം എളുപ്പമായിരുന്നു. ഓടി നടന്നു അവന്‍ ബാക്കിയുള്ള വാതിലുകളും കണ്ടെത്തി.

എങ്ങനെയെന്നല്ലെ?

 ആ വാതിലുകളില്‍ പതിച്ചിരുന്ന അക്കങ്ങള്‍ ആയിരുന്നു അതിനു അവനെ സഹായിച്ചത്. ഒന്ന് മുതല്‍ പത്തു വരെയുള്ള അക്കങ്ങള്‍ ആ വാതിലുകളില്‍ പതിചിട്ടുണ്ടായിരുന്നു. പെട്ടെന്ന് തിരിച്ചറിയാനാകാത്ത വണ്ണം ആയിരുന്നു അവ ആലേഖനം ചെയ്യപ്പെട്ടിരുന്നത്. പോരാത്തതിന് പ്രതിഫലനങ്ങളുടെ അയ്യര് കളിയും. കൂടാതെ ആ വാതിലുകള്‍ക്ക് പിടിയോ മറ്റു പ്രത്യേകതകലോ ഉണ്ടായിരുന്നുമില്ല.

ഇനിയിപ്പോ ശരിയായ വാതില്‍ എങ്ങനെ കണ്ടു പിടിക്കും?

 ഹെന്‍ട്രി ആ സൂചനാ ഫലകത്തെ ഒന്ന് കൂടി പരിശോധിച്ചു. പതിവില്‍ നിന്നും വ്യത്യസ്തമായി മിനുസമുള്ളതും തിളക്കമാര്ന്നതുമായ ലോഹം കൊണ്ടാണ് അത് നിര്‍മ്മിച്ചിരുന്നത്. മാത്രവുമല്ല അത് എവിടെയും ഉറപ്പിചിട്ടുമുണ്ടായിരുന്നില്ല. വെറുതെ ചാരി വച്ചിരിക്കുകയായിരുന്നു. അവന്‍ അത് കയ്യിലെടുത്തു തിരിച്ചും മറിച്ചും നോക്കി. ഒരു പ്രത്യേക ചരിവില്‍ എത്തിയപ്പോള്‍ അവയില്‍ ചില അക്ഷരങ്ങള്‍ തിളങ്ങാന്‍ തുടങ്ങി.കുറെയേറെ വാക്കുകള്‍. വളരെ പണിപെട്ട് അവന്‍ ഒരു വാക്ക് വായിച്ചെടുത്തു.

“ENDON”
അങ്ങെനെയൊരു വാക്ക് അവനു പരിചയം ഇല്ല. എങ്കിലും മുന്‍ അനുഭവങ്ങള്‍ വച്ച് അവന്‍ തല തിരിഞ്ഞു ചിന്തിച്ചു. 

“NODN3”
ഹെന്‍ട്രി എങ്ങെനെയാണ് ആ വാക്ക് കണ്ടു പിടിച്ചതെന്ന് ഇതിനകം നിങ്ങള്‍ ഊഹിച്ചു കാണുമല്ലോ. 

NO DOOR  NUMBER 3 എന്നതിന്റെ ചുരുക്കെഴുത്താണ് അതെന്നു അവന്‍ മനസ്സിലാക്കി. ഇനി എല്ലാം എളുപ്പമല്ലേ. ബാക്കിയുള്ള വാക്കുകള്‍ കൂടി കണ്ടു പിടിക്കണം.

വളരെയധികം ബുദ്ധി മുട്ടേണ്ടി വന്നു മുഴുവന്‍ വാക്കുകളും കണ്ടെത്താന്‍. ഹെന്‍ട്രി കണ്ടെത്തിയ വാക്കുകള്‍ ഇതാ.

“NO WIFE NO SEX NINE’O NIGHT NO EVE FORUN NET ENDON TOWN NONE”

    നിങ്ങള്ക്ക് ഇതിന്റെ കുരുക്കു അഴിച്ചെടുക്കാന്‍ പറ്റുന്നുണ്ടോ? ശരിയായ വാതില്‍ ഏതാണെന്ന് നിങ്ങള്ക്ക് കണ്ടു പിടിക്കാനാകുന്നുണ്ടോ? ഉത്തരങ്ങളും അഭിപ്രായങ്ങളും അറിയിക്കുക.

ഞാന്‍ എഴുതിക്കൊണ്ടിരിക്കുന്ന ഒരു ഫിക്ഷന്‍ നോവെലൈറിന്റെ ഒരു ചെറിയ ഭാഗം ആണിത്. എഴുത്ത് കുത്തുകള്‍ ഏതാണ്ട് പൂര്‍ത്തിയായി. ഇത്തവണ നാട്ടിലെത്തുമ്പോള്‍ ഇത് പ്രസിധീകരിക്കനമെന്നാണ് ആഗ്രഹം. അതിനു മുന്നോടിയായി ഒരു ചെറിയ പ്രൊമോഷന്‍ വര്‍ക്ക്‌. കുറച്ചു പബ്ലിസിടിയും കുറെയേറെ വിമര്‍ശനങ്ങളും പ്രതീക്ഷിച്ചു കൊണ്ടാണ് ഇത് ഇപ്പോള്‍ ഇവിടെ പോസ്ടിയത്.

ഇതിനുത്തരം ഉടനെ തന്നെ എന്റെ ബ്ലോഗില്‍ പ്രസിദ്ധീകരിക്കുന്നതാണ്.
എന്ന് സ്വന്തം 
സമീര്‍.റ്റി

അഭിപ്രായങ്ങളൊന്നുമില്ല:

ഒരു അഭിപ്രായം പോസ്റ്റ് ചെയ്യൂ